ინგლისში გადასვლის შემდეგ, ლივერპულის გარემარბმა მოახერხა სულ რაღაც ოთხი შეხვედრის ჩატარება და ერთი საგოლე გადაცემის გაფორმება. რაც შეეხება მოედანზე გატარებულ წუთებს: 27 წლის ვინგერის ანგარიშზე 123 წუთია. ევრო 2020-ზე ტრიუმფის შემდეგ, ალბათ ვერავინ წარმოიდგენდა, რომ ტურინის იუვენტუსის ყოფილ 7-იანის კარიერაში ასეთი დაღმასვლა იქნებოდა.
2021 წლის ივლისისთვის კიეზა შეფასებული იყო 70 მილიონ ევროდ, თუმცა იმის შემდეგ, მის კარიერაში ტრავმატულმა პერიოდმა დაისადგურა. იტალიელმა ვინგერმა "ბებერ ქალბატონში" ბოლო 3 სეზონში გამოტოვა 100-მდე მატჩი და საერთო ჯამში სულ რაღაც 18 ბურთი გაიტანა. დღეს, ის უკვე "წითლებშია", მაგრამ კარიერის რეანიმირებას ვერც პრემიერ ლიგაში ახერხებს.
ამ ყველაფრის შედეგად, ფედერიკოს სატრანსფერო ღირებულება უკანასკნელ სამ წელიწადში 48 მილიონ ევროთი დაეცა. ბოლოს კი შეგახსენებთ იმასაც, რომ მერსისაიდელთა ვინგერის მოქმედი კონტრაქტი ამჟამინდელ კლუბთან 2028 წლის ივნისამდე არის გათვლილი.
