"ღამურების" ფეხბურთელთა ჯამური სატრანსფერო ფასი შეადგენს 239.90 მილიონ ევროს, რითაც ლა ლიგაში ისინი მეექვსე ადგილზე არიან. მათზე წინ ვხედავთ შემდეგ კლუბებს: რეალ მადრიდს, ბარსელონას, ატლეტიკო მადრიდს, სოსიედადსა და ატლეტიკ ბილბაოს. სწორედ აღნიშნული 5-ეულის შემდეგ მოდის "ლოს ჩესი".
ეს ყველაფერი იმის გათვალისწინებით, რომ "მურსელაგოსის" მთავარი კონკურენტები აღნიშნულ ცხრილში ქვედა ადგილებზე არიან. კრიზისში მყოფ მესტალიის ბინადრების ყველაზე ძვირადღირებული მოთამაშე არის გიორგი მამარდაშვილი, მაგრამ მისი არყოფნის შემთხვევაშიც კი, მათ მხოლოდ ვილიარეალი გაუსწრებს.
შეგახსენებთ იმასაც, რომ ქართველი მეკარე კარლოს კორბერანის გუნდში თამაშობს განათხოვრების წესით და მიმდინარე სეზონის დასრულების შემდეგ, ის შეუერთდება ლივერპულს, რომელთანაც მან კონტრაქტი გასულ ზაფხულს გააფორმა. ვალენსიას გოლკიპერს თავის ამჟამინდელ კლუბში 13 მატჩის ჩატარება დარჩა.
