მიუნხენის ბაიერნის გენერალურმა დირექტორმა, კარლ-ჰაინც რუმენიგემ საფეხბურთო აგენტები გააკრიტიკა. მისი თქმით, სწორედ აგენტების მაღალმა ფინანსურმა მოთხოვნებმა გამოიწვია ის ფაქტი, რომ ფეხბურთელებს სეზონის მანძილზე დიდი რაოდენობის თამაშების ჩატარება უწევთ.
"ფეხბურთელების აგენტებმა და თვითონ ფეხბურთელებმაც ითამაშეს მთავარი როლი იმაში, რომ დიდი რაოდენობის მატჩები გვაქვს. ისინი მუდმივად ითხოვენ ხელფასის მომატებას, რის გამოც კლუბებს ახალი შემოსავლების ძებნა უწევთ. საიდან უნდა მოვიდეს ამდენი ფული? დიახ, უფრო მეტი თამაშის ჩატარებით.
აუცილებლად გვჭირდება რაციონალური გადაწყვეტილების მიღება, იმისთვის, რომ ფეხბურთი და ბიზნესი დაბალანსდეს. წინააღმდეგ შემთხვევაში ეს ყველაფერი შესაძლოა ძალიან სამწუხარო შედეგებით დასრულდეს."
