მას შემდეგ, რაც საქართველოს ნაკრებმა ევრობასკეტის ჩემპიონი ესპანეთი და ვიცეჩემპიონი საფრანგეთი ასპარეზობას გამოთიშა, ქართველი კალათბურთeლების წარმატებული თამაში გასაკვირი აღარავისთვისაა. მერვედფინალში საფრანგეთთან გამარჯვების შემდეგ, ნაკარების გამთამაშებელი კამარ ბოლდუინი ევრობასკეტის მერვედფინალური ეტაპის MVP-ს პრიზის მოგების კანდიდატია.
ვინ არის 1/16 ფინალის MVP? - ფიბა ევრობასკეტმა მერვედფინალური მატჩებიდან 5 კალათბურთელი გამოარჩია და აღნიშნული სახელწოდებით, ფიბა ევრობასკეტის ოფიციალურ გვერდზე გამოკითხვა მიმდინარეობს. საუკეთსოთა შორის საქართველოს ნაკრების წევრიცაა. ტიტულისთვის ბრძოლაში, ბოლდუინთან ერთად, ლუკა დონჩიჩი (სლოვენია), ნიკოლა იოკიჩი (სერბეთი), იანის ანტეტოკოუნმპო (საბერძნეთი), და კრისტაფს პორზინგისი (ლატვია) არინ ჩართული.
ამ დოისთვის ბოლდუინი 24%-ით მესამე ადგილზეა, პირველი დონჩიჩია (37%), მეორე ადგილს იანის ანტეტოკოუნმპო იკავებს (32%).
კამარ ბოლდუინმა საფრანგეთთან მოგებულ მატჩში 24 ქულა, 4 მოხსნა და 2 შედეგიანი გადაცემა მიითვალა, კამარმა 3 სამქულიანი ჩააგდო და მისი შედეგიანობის კოეფიციენტმა 30 შეადგინა.
შეგახსენებთ, საქართველოს კალათბურთელთა ნაკრებმა საფრანგეთთან 70:80 გაიმარჯვა და მეოთხედფინალში გავიდა, სადაც ფინეთს დაუპირიპირდება. მატჩი 10 სექტემბერს თბილისის დროით, 18:00 საათზე დაიწყება.
