FIFA-ს აგენტმა, გაბრიელე ჩიონომ, ნაპოლის და კონკრეტულად ხვიჩა კვარაცხელიას მომავალზე ისაუბრა.
"ხელფასის გარდა, ნაპოლის კონტესთან პროექტის შეთანხმებაც მოუწევს და მის გადმოსაბირებლად რამდენიმე მნიშვნელოვანი ტრანსფერის განხორციელებაც იქნება საჭირო. კონტეს ვარიანტს იტალიაში მილანიც აქტიურად განიხილავს, რომელიც სეზონის ბოლოს მწვრთნელის გარეშე რჩება."
"საჩემპიონო სეზონის შემდეგ, ნაპოლის ფეხბურთელების ტრანსფერზე არაერთმა გრანდმა დაიწყო მუშაობა და მათი შენარჩუნება კლუბისთვის მარტივი არ იქნება. აღნიშნული საკითხი განსაკუთრებით კვარაცხელიასა და ოსიმენს ეხებათ - ორივე ფეხბურთელზე ინფორმაცია არაერთმა ევროპულმა გრანდმა გამოითხოვა."
"კვარაცხელიას მიერ ჩატარებული ორი მაღალი დონის სეზონის შემდეგ, მისი კონტრაქტის გახანგრძლივებისა და გაუმჯობესების საკითხი დღის წესრიგში დადგა. როდესაც ხედავ, რომ არაერთი ევროპული გრანდი აქტიურად გაკვირდება და კლუბში ერთ-ერთი ყველაზე დაბალანაზღაურებადი ფეხბურთელი ხარ, რა თქმა უნდა, კონტრაქტის გაუმჯობესებაზე იწყებ საუბარს" - აღნიშნა ჩიონომ.
ხვიჩა კვარაცხელიას აქტიურად პსჟ აკვირდება და მზად არის მის ტრანსფერზე 80 მილიონი ევრო გამოყოს. თავის მხრივ კი, ნაპოლი ქართველ შემტევს გაუმჯობესებულ კონტრაქტს შესთავაზებს.
