ჩემპიონთა თასის 1972/1973 წლების სეზონის ფინალში ამსტერდამის აიაქსმა მინიმალური ანგარიშით ტურინის იუვენტუსი დაამარცხა. ეს იყო "ებრაელთა" ზედიზედ მე-3 ჩემპიონობა, "ბიანკონერი" კი ევროპის მთავარი საკლუბო ტურნირის ფინალში იმ მომენტში პირველად იყო გასული.
იმ ფინალის მონაწილე სტადიო დელე ალპის ბინადრების მხრიდან იყო ფაბიო კაპელოც, რომლისთვისაც ყველაზე მტკივნეული იყო არა თვითონ წაგება, არამედ ის, თუ რა გააკეთეს სტეფან კოვაჩის შეგირდებმა შეხვედრის დასრულების შემდეგ, როდესაც ისინი წასასვლელად ემზადებოდნენ.
" ავტობუსში ვისხედით და ვემზადებოდით წასასვლელად, როდესაც აიაქსის ფეხბურთელები ჩემპიონთა თასით ხელში დავინახეთ. ამსტერდამელები სიმშვიდეს ინარჩუნებდნენ. იგრძნობოდა თავდაჯერებულობა და ის ფაქტი, რომ ყველაფერი მათი გეგმის მიხედვით წარიმართა.
ავტობუსში ასვლის წინ, "ებრაელებმა" ჩემპიონთა თასი შეაგდეს საბარგულში ისე, თითქოს ეს რიგითი ჯილდო ყოფილიყო. დიახ, ამსტერდამ არენას ბინადრებს სახეზე ეწერათ: "შეხედეთ, ეს უბრალოდ კიდევ ერთი თასია, არაფერი განსაკუთრებული". ძალიან განვიცადე, წაგებაზე მეტადაც კი "
