ფინანსურმა პოლიციამ ყველა ის საბუთი გამოითხოვა, რომელიც კლუბის 2022 წელს გაყიდვასთან არის კავშირში. შეგახსნებეთ, 2022 წლის ზაფხულში "როსონერი" ამერიკულმა "რედბერდიმ", ასევე ამერიკული კომპანია "ელიოტისგან", შეიძინა. აქ აღსანიშნავია ის ფაქტი, რომ ჯერი კარდინალემ სწორედ ელიოტისგან ისესხა 550 მილიონი ევრო, შესაბამისად, ელიოტმა კლუბზე "უფლებები" ბოლომდე არ დაკარგა, ვინაიდან თუ ვალის დროული დაბრუნება არ მოხდება, კლუბი ისევ მათ მფლობელობაში გადავა.
პირველად გამოძიება მას შემდეგ დაიწყო, რაც კომპანია Blue Skye-ის მფლობელებმა სასამართლოში სარჩელი შეიტანეს, სალვატორე ჩერკიონე და ჯანლუკა დ'ავანცო ელიოტს და რედბერდს იმაზე ედავებოდნენ, რომ მათი თანხმობის გარეშე მოხდა კლუბის გაყიდვა, როცა Blue Skye კლუბის გარკვეულ პროცენტს ფლობდა.
იტალიურ პრესაში იმასაც წერდნენ, რომ კლუბი კვლავ "ელიოტის" საკუთრებაში იყო და არა "რედბერდის" - ეს ინფორმაცია ორივე კომპანიამ მალევე უარყო.
სულ რამდენიმე წუთის წინ კი ცნობილი გახდა, რომ ფინანსურმა პოლიციამ მილანის საქმეზე გამოძიება დაასრულა. როგორც გაირკვა, "ელიოტსა" და "რედბერდს" შორის დადებულ გარიგებაში, არანაირი დარღვევა არ აღმოჩნდა.
