ფილიპე კოუტინიოს ლივერპულიდან ბარსელონაში ტრანსფერიდან გავიდა შვიდ წელიწადზე მეტი, თუმცა ეს გარიგება რამდენიმე კომპონენტში რეკორდულად დღემდე ითვლება. შეგახსენებთ, რომ კატალონიელებმა ბრაზილიელი ფლეიმეიქერის სანაცვლოდ მერსისაიდელებს€135 მილიონი გადაუხადეს.
აღნიშნული გარიგება ყველაზე ძვირადღირებულ ზამთრის ტრანსფერებში დღემდე პირველ ადგილზე დგას. ამის გარდა, როგორც პრემიერ ლიგაში, ისე მერსისაიდიდანაც, "ბლაუგრანას" ექს-ფლეიმეიქერზე ძვირად არავინ გაყიდულა. როგორც გვახსოვს, მისი ესპანური კარიერა გამოდგა წარუმატებელი, რის შემდეგაც კამპ ნოუს ბინადრებისა და "წითლების" ყოფილი 10-იანის თანამშრომლობა მალე დასრულდა.
ბარსელონამ "პატარა ჯადოქარი" გაანათხოვრა თავდაპირველად მიუნხენის ბაიერნში, შემდეგ კი ბირმინგემის ასტონ ვილაში. ყველაფერი დასრულდა იმით, რომ 32 წლის ფლეიმეიქერი გამოისყიდეს "ვილანებმა", მაგრამ მოგვიანებით, ის გაანათხოვრა ინგლისურმა კლუბმაც: ჯერ ალ-დუჰაილში, შემდეგ კი ვასკო და გამაში.
კოუტინიო რიო დე ჟანეიროში თამაშობს დღემდე, თუმცა 2026 წლამდე ის ვილა პარკის ბინადრების საკუთრებაში რჩება. რაც შეეხება ბრაზილიელი ფლეიმეიქერის მონაგარს, "შავ-თეთრებში" დაბრუნების შემდეგ, მან 33 შეხვედრაში მოასწრო 8 ბურთის შეგდება და 3 ასისტის გაფორმება.
ჯერჯერობით უცნობია, გაგრძელდება, თუ არა ფილიპეს სანაკრებო კარიერა. ბრაზილიის ეროვნულ გუნდში მან უკანასკნელად ითამაშა სამი წლის წინ, მაგრამ საერთაშორისო კარიერის დასრულების თაობაზე სან ჟანუარიოს ბინადრების ფლეიმეიქერს არ გაუკეთებია.
