ფორმულა 1-ის 2026 წლის სეზონის რიგით მესამე გრან პრი, რომელსაც იაპონიამ უმასპინძლა მერსედესის ტრიუმფით დასრულდა.
სუზუკას ავტოდრომზე გამარჯვებული მერსედესის 19 წლის მრბოლელი, ანდრეა კიმი ანტონელი გახდა. მეორე ადგილზე მაკლარენის ავსტრალიელი პილოტი, ოსკარ პიასტრი გავიდა, ხოლო მესამე პოზიცია ფერარის მონეგასკ პილოტს, შარლ ლეკლერს დარჩა.
იაპონიის გრან პრი, TOP 10
სამი რბოლის შემდეგ სატურნირო ცხრილს 76 ქულით სწორედ 19 წლის იტალიელი ჩაუდგა და ფორმულა 1-ის ისტორიაში ყველაზე ახალგაზრდა ლიდერი გახდა. მეორე ადგილს 63 ქულით მისი ბრიტანელი თანაგუნდელი, ჯორჯ რასელი იკავებს. შარლ ლეკლერს კი 49 ქულა აქვს და მესამე პოზიციაზე იმყოფება.
ფორმულა 1-ის 2026 წლის სეზონის მომდევნო, მე-4 გრან პრი 4 მაისს აშშ-ში, მაიამის საერთაშორისო ავტოდრომზე ჩატარდება.
