ფორმულა 1-ის 2025 წლის სეზონის რიგით მე-5 გრან პრის საუდის არაბეთი მასპინძლობს, სადაც დრამატული და სანახაობრივი კვალიფიკაცია ვიხილეთ.
საკვალიფიკაციო ეტაპის გამარჯვებული მოქმედი ჩემპიონი, მაქს ვერსტაპენი გახდა, რომელმაც მეორე ადგილზე გასულ ოსკარ პიასტრის 0.010 წამით აჯობა. მესამე პოზიცია კი ჯორჯ რასელმა დაიკავა.
კვალიფიკაციის მესამე სეგმენტის სტარტზე, საჭე ვერ დაიმორჩილა წლევანდელი სეზონის ლიდერმა, ლანდო ნორისმა, რომელმაც ბოლიდი დააზიანა და ხვალინდელ რბოლას მე-10 პოზიციიდან დაიწყებს.
საუდის არაბეთის გრან პრის კვალიფიკაციის შედეგები
2025 წლის საუდის არაბეთის გრან პრის რბოლა ხვალ, 20 აპრილს, თბილისის დროით 21 საათზე აიღებს სტარტს.
