მედიაში გავრცელდა ლიონელ მესის ახალი ჩანთა, რომელსაც ის ყოველდღიურობაში იყენებს. აქსესუარზე გვხვდება ერთი საინტერესო დეტალი: გუნდების ლოგოები, რომელიც არგენტინელი ფლეიმეიქერის კარიერას უკავშირდება. ჩანთაზე ვხედავთ მისი ეროვნული გუნდის, ბარსელონას, ნიუელს ოლდ ბოისისა და ინტერ მაიამის სიმბოლიკას.
როგორც გვახსოვს, არგენტინის ნაკრების კაპიტანი ევროპული კარიერის ბოლოს თამაშობდა პარის სენ-ჟერმენშიც, თუმცა თავის ჩანთაზე აღნიშნული კლუბის ლოგოს გადმოტანა მან საჭიროდ არ ჩათვალა. შეგახსენებთ, რამდენიმე თვის წინ, "ალბისელესტეს" მე-10 ნომერმა პსჟ-ში გატარებული პერიოდი უარყოფითად შეაფასა.
"ლა პულგამ" აღნიშნა, რომ ის არ გრძნობდა თავს ბედნიერად არც "ლურჯ-წითლებში" და არც ზოგადად პარიზში. არ უნდა დაგვავიწყდეს ისიც, 38 წლის ფლეიმეიქერს პერიოდულად აკრიტიკებდნენ ევროპის მთავარ საკლუბო ტურნირზე წარუმატებლობის გამო პარკ დე პრენსის ბინადრებთან ერთად.
