ლიგა 1-ის მე-19 ტურში პარის სენ-ჟერმენმა გასვლით მატჩში ოსერი მინიმალური ანგარიშით დაამარცხა. ამ თამაშში შენარჩუნდა ერთ-ერთი ყველაზე უცნაური ტრადიცია ფრანგული ფეხბურთის ისტორიაში, რომელიც ეხება პსჟ-ს მიერ სტუმრად ჩატარებულ შეხვედრებს ბურგუნდიელების წინააღმდეგ.
"ლურჯ-წითლები" აბე-დეშამს ესტუმრნენ 39-ჯერ და 14 შემთხვევაში სახლში გამარჯვებით დაბრუნდნენ. აღსანიშნავია ის ფაქტი, რომ დედაქალაქელებს არასდროს მოუგიათ სტუმრად "თეთრ-ლურჯებისთვის" 1 ბურთზე მეტი უპირატესობით. 1980 წლიდან-დღემდე: მხოლოდ მინიმალური ანგარიშით მოგება.
როგორც ვხედავთ, ტრადიცია შენარჩუნდა ამჯერადაც, პარკ დე პრენსის ბინადრებმა 1:0 იმარჯვეს. მატჩის ერთადერთი გოლი უსმან დემბელეს ასისტით ბრედლი ბარკოლამ შეაგდო. მოედანზე 90 წუთის მანძილზე იმყოფებოდა ხვიჩა კვარაცხელია, რომელიც ლუის ენრიკეს გუნდის მხრიდან ერთ-ერთი საუკეთესო იყო.
