იტალიის სერია ა-ს მე-5 ტურის ერთ-ერთი ცენტრალური მატჩი ტურინში გაიმართა, სადაც იუვენტუსმა ატალანტა მიიღო და ფრეს დასჯერდა.
შეხვედრის ანგარიში სტუმრებმა პირველი ტაიმის კომპენსირებულ დროში გახსნეს და შესვენებაზე უპირატესობით გავიდნენ — თავი სულემანამ გამოიჩინა. მატჩის მიწურულს, 78-ე წუთზე გოლი კაბალმა გამოიჩინა და საბოლოო ანგარიში, 1-1 დააფიქსირა. აღსანიშნავია, რომ მე-80 წუთზე მსაჯმა მოედნიდან დე რონი გააძევა და ატალანტა 10 კაცით დარჩა.
იუვენტუსი 1-1 ატალანტა
გოლები: 0-1 სულემანა (45+1'), 1-1 კაბალი (78')
5 მატჩის შემდეგ, იუვენტუსს 11 ქულა აქვს და მეორე ადგილზე იმყოფება, ხოლო ატალანტა 9 ქულით მე-5 პოზიციას იკავებს. მომდევნო ტურში ტურინელები მილანს უმასპინძლებენ, ბერგამოელები კი საკუთარ მოედანზე კომოს მიიღებენ.
