გადატვირთული გრაფიკი ფულის სანაცვლოდ: ორი ახალი ტურნირი კლუბებს 5,2 მილიარდს მოუტანს

უკმაყოფილება დატვირთულ კალენდართან დაკავშირებით. დასვენების დრო არ არის, თუმცა შემდეგ ეს ყველაფერი კომპენსირდება ფულით. ფიფას მსოფლიო საკლუბო ჩემპიონატისა და ჩემპიონთა ლიგის ახალი ფორმატები, როგორც ფულის წვიმა. 2,5 მილიარდი ფიფას ტურნირის საპრიზო თანხაა მონაწილე კლუბებისთვის. ციურიხში ორი მილიარდით დაიწყეს, როდესაც ახალი ტურნირი დაანონსდა.

მილიარდები

ის ოთხი წლის წინ უნდა დაწყებულიყო, შემდეგ გადაიდო Covid-ით გამოწვეული პანდემიის გამო. ამის შემდეგ, თანხა კიდევ უფრო გაიზარდა: გამარჯვებულის ანგარიშზე 100 მილიონი დაირიცხება, ნახევარი მონაწილეობისთვის, ანუ 50 მილიონი სულ რაღაც სამ მატჩში, ნამდვილი ფუფუნებაა.

ახალი ფორმატის ჩემპიონთა ლიგაც არ იქნება სახუმარო, ეს ყველაფერი სუპერლიგის ცდუნების თავიდან ასაცილებლად: 2,7 მილიარდი გამოიყო საპრიზო თანხად, 30 პროცენტით გაზრდილი მოგება, რაც დაანონსდება ამ წლის ბოლოს. ასევე გამოითვლება პირველ ეტაპზე არსებული ფინანსური მოგების ოდენობა, დაახლოებით 60 მილიონი.

სატრანსფერო ბაზარი

ახალი ფორმატი გავლენას მოახდენს სატრანსფერო ბაზარზე და არა მხოლოდ შემოსავალზე. ისმის კითხვა - როგორ იარსებებს მსოფლიოს საკლუბო ჩემპიონატი სატრანსფერო ფანჯრის პარალელურად? შეძლებენ, თუ არა კლუბები იმ მოთამაშეების გამოყენებას, რომლებსაც ზაფხულში შეიძენენ ან რა ბედი ეწევათ გუნდიდან წამსვლელებს.

ვერნერის შემთხვევა

გავიხსენოთ პანდემიის ზაფხული, როდესაც ჩემპიონთა ლიგის დასკვნითმა მატჩებმა გადაიწია აგვისტოსკენ. ტიმო ვერნერი იმ დროისთვის ლაიფციგიდან უკვე ჩელსიში იყო გადასული და სეზონის "წითელ ხარებთან" ჩამთავრებას, ლონდონელებთან ვარჯიში ამჯობინა. გერმანელმა ამით ტრავმის მიღება აირიდა და ახალ კლუბს სრულფასოვანი ძალებით შეუერთდა. ვნახოთ, დარჩება თუ არა ეს შემთხვევა გამონაკლისად, თუ ახალი ფორმატის დანერგვის შემდეგ, წესად დამკვიდრდება.

Pierfrancesco Archetti © RCS MEDIAGROUP