საფრანგეთის ლიგა 1-ის გადადებული მატჩი პსჟ-სა და ნანტს შორის, ფრედ 1:1 დასრულდა. მოგეხსენებათ, პარიზელებმა უკვე ოფიციალურად გაინაღდეს საფრანგეთის ჩემპიონობა, თან ისე, რომ ჯერჯერობით წაუგებლები არიან.
მატჩის შემდეგ კომენტარი პსჟ-ს მთავარმა მწვრთნელმა ლუის ენრიკემ გააკეთა.
"გუშინდელი მატჩი გაკვეთილი უნდა იყოს, რათა არსენალთან მატჩისთვის ჩვენი ხარვეზები გამოვასწოროთ და სხვა ფეხბურთი ვითამაშოთ. მაგალითად, ნანტთან შეხვედრაში ბურთი ჩვენს ნახევარზე ხშირად იყო, ამაზე უნდა ვიმუშავოთ და ვეცადოთ, რომ მეტოქის ნახევარზე უფრო ხშირად ვიყოთ.
როგორ ვითამაშებთ არსენალთან? - ამას მატჩის მიმდინარეობა გვაჩვენებს. თუ მათ სწრაფი გოლი გაგვიტანეს, ბევრი რამის შეცვლა მოგვიწევს. სავარაუდოდ, თავიდან ისინი პრესინგს გვეთამაშებიან და ამისთვის მზად უნდა ვიყოთ."
შეგახსენებთ, რომ ჩემპიონთა ლიგის ნახევარფინალური მატჩი არსენალსა და პსჯ-ს შორის 29 აპრილს გაიმართება.
