პრემიერ ლიგის მე-18 ტურის გახსნითი მატჩი ოლდ ტრაფორდზე გაიმართა, სადაც მაყურებელმა მანჩესტერ იუნაიტედისა და ნიუკასლის დაპირისპირება იხილა. გუნდები ამ შეხვედრას არც ისე კარგ ფორმაში შეხვდნენ, შესაბამისად, ბოქსინგ დეიზე ფავორიტის დასახელება ყველას გაუჭირდებოდა.
მატჩის ერთადერთი გოლი პირველ ტაიმში გავიდა — თავის გამოჩენა პატრიკ დორგუმ მოახერხა, რომელმაც ნიუკასლს საკმაოდ ეფექტური გოლი გაუტანა.
რუბენ ამორიმის გუნდმა ამ გამარჯვების შემდეგ 29 ქულა მოაგროვა, რითაც დროებით მე-5 პოზიციაზე გადასვლა შეძლო. რაც შეეხება ნიუკასლს, ედი ჰაუს გუნდი 23 ქულით, მე-11 პოზიციაზე დარჩა.
მანჩესტერ იუნაიტედი 1-0 ნიუკასლი
გოლი: 1-0 პატრიკ დორგუ 24'.
მატჩის მიმოხილვა
