ოფიციალური ინფორმაციით, სტ.ეტიენმა ბორდოს დავითაშვილის ტრანსფერში 6 მილიონი ევრო გადაუხადა, თუმცა შეიძლება ითქვას, სტ.ეტიენმა ეს ფული წყალში გადაყარა. ეს, რა თქმა უნდა, დავითაშვილის ღირებულებას არ ეხება...საქმე სხვა რამეშია.
დავითაშვილის ტრანსფერიდან რამდენიმე დღეში, ფინანსური კრიზისისა და ბევრი ვალების გამო, ბორდო გაკოტრდა და კლუბმა არსებობა შეწყვიტა. ბორდოს მფლობელმა ჭკვიანურ ხერხს მიმართა და კლუბის ბანკროტად გამოცხადებამდე, სტ.ეტიენს დავითაშვილში 6 მილიონი გადაახდევინა. არადა, "მწვანეებს" რამდენიმე დღე რომ მოეცადათ, ქართველ შემტევს უფასოდ წაიყვანდნენ. ეს 6 მილიონი პრეზიდენტის ჯიბეში წავიდა, რადგან კლუბი აღარ არსებობს და არანაირი ფინანსური ვალდებულება აღარ აქვს.
ასე მაგალითად, ბორდოს მეკარე რაფაელ სტრაჩეკი კლუბის გაკოტრების შემდეგ ახალ გუნდში გადავიდა და პოლონურ კატოვიცეს შეუერთდა, ჟინ მარსელინი იერუსალიმის ბეითარში, ასევე, უფასოდ გადავიდა. ბორდოს ამ ტრანსფერებში თანხა არ აუღიათ. ერთადერთი ფეხბურთელი, რომლის ტრანსფერშიც თანხა მიიღეს, დავითაშვილია.
ეჭვიც არ გვეპარება, რომ სტ.ეტიენი დავითაშვილში გადახდილ თანხას არ ინანებს და ზურიკო გუნდის ლიდერი გახდება, თუმცა ფაქტია, კლუბმა ტრანსფერის თანხა არა აწ უკვე გაკოტრებულ ბორდოს, არამედ მის მფლობელს პირადად გადაუხადა.
