მანჩესტერ იუნაიტედთან და სენტ-ეტიენთან მარცხის შემდეგ, ლიონის ოლიმპიკში სიტუაცია დაიძაბა. Le Progres-ის მტკიცებით, ფრანგული კლუბის ვეტერანი ლიდერები, ალექსანდერ ლაკაზეტი და კორენტინ ტოლისო უკმაყოფილოები არიან "ლომების" დამრიგებლის, პაულო ფონსეკას გადაწყვეტილებებით.
უფრო კონკრეტულად კი ფრანგ ფეხბურთელებს არ მოსწონთ ის ფაქტი, რომ პორტუგალიელი მწვრთნელი მათზე წინ აყენებს ახალგაზრდა მოთამაშეებს: გიორგი მიქაუტაძეს, რაიან შერკისა და სხვებს. ამის გარდა, გრუპამა სთეიდიუმის ბინადრების დამრიგებელს ურთიერთობა დაეძაბა კიდევ ერთ ვეტერანთან, ნემანია მატიჩთან.
"წითელ ეშმაკებთან" მატჩში სერბი ნახევარმცველის ნაცვლად პოლ აკუოკოს დაყენებამ მთელ გუნდში დიდი გაოცება გამოიწვია. შეგახსენებთ, რომ ოლდ ტრაფორდის ბინადრებთან წაგების შემდეგ, ფონსეკას შეგირდები ევროპა ლიგას გამოეთიშნენ, საფრანგეთის ჩემპიონატში კი ისინი მე-5 - მე-7 პოზიციებს ნიცასა და სტრასბურთან იყოფენ.
