ჩემპიონთა ლიგის ფაზის მეხუთე ტურში ლივერპული საკუთარ კედლებში პსვ ეინდჰოვენს მიიღებს. მატჩის წინ, კომენტარი გააკეთა მერსისაიდელთა თავკაცმა, არნე სლოტმა, რომელმაც თავისი გუნდის კრიზისზე ისაუბრა. შეგახსენებთ, ინგლისის მოქმედმა ჩემპიონმა "წითლებმა" ამ სეზონში პრემიერ ლიგაში უკვე 6 შეხვედრა წააგეს.
"ლივერპულის მთავარი პრობლემები? დაცვაში თამაში უნდა გამოვასწოროთ და ერთმანეთს მივეხმაროთ. სამწუხაროდ, გაშვებული ბურთების რაოდენობა უბრალოდ შემაშფოთებელია. ეს კრიზისი ყველასთვის მოულოდნელობაა, მაგრამ რაც უფრო რთულდება სიტუაცია, მით უფრო ერთიანები ვხდებით.
მერსისაიდელთა წარუმატებლობებზე პასუხისმგებელი მე ვარ. თავს დამნაშავედ ვგრძნობ და სიმართლე გითხრათ, გასული სეზონის შემდეგ, არ მეგონა, თუ ასეთ სიტუაციაში აღმოვჩნდებოდი. დროა დავივიწყოთ წაგება და ისევ წარმატების გზაზე დავდგეთ."
