რთული, მთიანი რელიეფის დაძლევა, სრიალი გაუკვალავ თოვლში, ადრენალინი და ბრძოლა ახალი ნაკვალევის შესაქმნელად, - იმისთვის რომ ახალი ნაბიჯები უფრო მყარი, უფრო ძლიერი და მიზანთან უფრო ახლოს მყოფი გახდეს, სირთულეების წარმატებით დაძლევისთვის, სირთულეებთან, პირდაპირი და ირიბი მნიშვნელობით, მებრძოლი სპორტსმენების მხარდამჭერი Liberty Bank-ი იქნება.
ლიბერთი ბანკი საქართველოს ფრირაიდის ეროვნული ნაკრების წევრების, ლუკა ჩოფიკაშვილისა და ქეთი ვასაძის, ასევე პროფესიონალი სნოუბორდერის გიორგი იოსელიანის პარტნიორი გახდა.
ფრირაიდი ზამთრის სპორტის სახეობაა, რომელიც რთულ და მთიან რელიეფზე გაუკვალავ თოვლში, თხილამურით ან სნოუბორდით სრიალს გულისხმობს.
Freeride World Tour PRO და Qualifier ეტაპები წლის განმავლობაში 6 ქვეყანაში ტარდება და სხვადასხვა სამთო-სათხილამურო კურორტს აერთიანებს. ეს არის სივრცე, სადაც თავს იყრიან მსოფლიოს წამყვანი და გამოცდილი რაიდერები.
საქართველო უკვე მეხუთე წელია FWT Qualifier-ის ეტაპებს, ხოლო მესამე წელია FWT PRO-ს მასპინძლობს, რაც ჩვენი ქვეყნისთვის მნიშვნელოვანი ნაბიჯია ფრირაიდის საერთაშორისო ასპარეზზე ადგილის დამკვიდრებისთვის.
ლუკა ჩოფიკაშვილი და ქეთი ვასაძე რეგულარულად მიიღებენ მონაწილეობას საქართველოში და სხვა ქვეყნებში გამართულ საერთაშორისო შეჯიბრებებზე.
გიორგი იოსელიანი, როგორც პროფესიონალი სნოუბორდერი, ასევე აქტიურად ერთვება ზამთრის სპორტის ახალ, განვითარებად სახეობაში.
ლიბერთი ბანკისა და ქართველი სპორტსმენების თანამშრომლობა მნიშვნელოვანია, საქართველოში ზამთრის სპორტის პოპულარიზაციის, ქართული სპორტის განვითარებისა და საერთაშორისო ასპარეზზე მათი წარმატებისთვის.
ლუკა ჩოფიკაშვილი და გიორგი იოსელიანი 2026 Open Faces Heiligenblut am Grossglockner Qualifier-ზე მიიღებენ მონაწილეობას, შეჯიბრება ავსტრიაში 27-29 მარტს გაიმართება.
ქეთი ვასაძე საერთაშორისო კემპისთვის ემზადება. Elite Ski Training Camp-ი 26-29 მატრს ჩატარდება, რომლის მთავარი ორგანიზატორი Caucasus Project-ია.
მთაში გაზრდილ ადამიანებს, მთებთან, თოვლთან და თოვლიან მთებში სრიალისას სხვანაირი მიკუთვნებულობა და თავისუფლების სხვაგვარად განცდის უნარი აქვთ, სწორედ ასე დაიწყო გიორგი იოსელიანის კავშირი ზამთრის სპორტთან.
მთებში სრიალი ღრმა ბავშობაში გადაწყვიტა, თუმცა სვანეთში დაბადებული ბავშვისთვის, ერთი დიდი დაბრკოლება იყო, ინფრასტრუქტურა არ არსებობდა.
“ბავშვობიდან მთასთან ძალიან ახლო ურთიერთობა მქონდა და ჩემი ცხოვრება ყოველთვის დაკავშირებული იყო ბუნებასთან, თოვლთან და მთის სპორტთან.
სკოლის პერიოდში სრიალზე ვოცნებობდი, თუმცა იმ დროს სვანეთში საბაგიროები ჯერ არ არსებობდა და შესაძლებლობა არ მქონდა ამ სპორტში ჩავრთულიყავი.
სკოლის დამთავრების შემდეგ ჩავაბარე მოსამზადებელ სამედიცინო კურსზე. 2011 წელს სვანეთში გაიხსნა პირველი საბაგიროები. იმ ზამთარს ჩავედი სვანეთში და პირველად დავიწყე სნოუბორდზე სრიალი. ერთმა კეთილმა ადამიანმა მაჩუქა სნოუბორდი, რამაც კიდევ უფრო გამიძლიერა სურვილი ამ სპორტში განვითარებისთვის.
იმდენად მოვიხიბლე სნოუბორდით, რომ საბოლოოდ გადავწყვიტე ამ გზას გავყოლოდი და აღარ დავბრუნდი უნივერსიტეტის მოსამზადებელ კურსებზე,” - იხსენებს გიორგი.
შემდეგ იყო ხერხემლის ტრავმა, თუმცა მაინც დაბრუნდა, შექმნა სნოუბორდის კურსი ბავშვებისთვის, რასაც საქართველოს სათავგადასავლო ტურიზმის სკოლის დამთავრება და სათხილამურო გამყოლისა და ფრირაიდ გიდის კვალიფიკაცია მოჰყვა.
გიორგიმ ზუსტად იცის რამდენი რამის შეცვლა შეუძლია ლიბერთი ბანკის მხარდაჭერას:
“ლიბერთი ბანკისგან მიღებულ ფინანსურ მხარდაჭერას შემდეგი მიზნებისთვის გამოვიყენებ: საერთაშორისო ტურნირებში მონაწილეობის ხარჯების დაფარვა, პროფესიონალური სნოუბორდისა და უსაფრთხოების აღჭურვილობის განახლება, სამთო და ფრირაიდის მარშრუტების განვითარება სვანეთში, გამოცდილების გაზიარება და ადგილობრივი ახალგაზრდების ჩართვა მთის სპორტში.
ჩემი მიზანია საქართველოში, განსაკუთრებით სვანეთში, ფრირაიდის სპორტის განვითარება, საერთაშორისო ტურნირებში წარმატებული მონაწილეობა და ადგილობრივი ახალგაზრდებისთვის ახალი შესაძლებლობების შექმნა.”
თაროზე შემოდებული ოცნებები რეალობად რომ იქცნენ, ახლა ისეთ ამბავს გიამბობთ. ბავშობის მივიწყებული სურვილები, ცხოვრების დინამიკამ ჩაანაცვლა, ოჯახის რეკომენდაციით, სწავლა ბიზნესზე გააგრძელა და საბანკო სეტქორში წარმატებით მუშაობს, თუმცა მისი გულიდან და გონებიდან არასდროს გამქრალა სპორტი.
შემდეგ იყო საბედისწერო ავტოკატასროფა და სიცოცხლის თავიდან დაწყება.
32 წლის ქეთი ვასაძის ცხოვრება, გამუდმებულ ბრძოლაზეა, სადაც ყოველთვის იმარჯვებს, ახალ გზაზე კი ახალი მიზნებით სიარულს იწყებს:
“ეს ოცნება იმდენად დიდია, რომ მისი მარტო ტარება არც ისე მარტივია. სწორედ ამიტომ ამ გზაზე ნებისმიერ გვერდში დგომას და მხარდაჭერას უდიდესი ძალა აქვს.
არ დამავიწყდება არც ერთი ადამიანი და არც ერთი კომპანია, ვინც გვერდში დამიდგა ამ გზაზე. მადლობა რომ მაძლიერებთ.
ნაკრებში მოხვედრა უდიდესი პასუხისმგებლობაა ჩემთვის და სწორედ ამიტომ ვაპირებ ამ გზას მივუძღვნა ჩემი თავი ბოლომდე. რაც შეეხება ჩემს მთავარ მისიას და ხედვას, აუცილებელია გავაძლიეროთ ქალები სპორტში. ამიტომ მზად ვარ ეს კვალი თავდაუზოგავად და უდიდესი სულისკვეთებით გავიტანო.
არასდროს ვყოფილვარ ასეთი თავისუფალი,” - აცხადებს ქეთი ვასაძე.
მიზნისკენ სწრაფვა ბავშობიდან დაიწყო და გზის გაკვალვაც ისწავლა, წარმატებასაც მიაღწია, თუმცა მერე ყველაფერი გაქრა, სრიალზე, თხილამურზე და სპორტულ აქტივობაზე რომ აღარაფერი ვთქვათ იყო პერიოდი, როცა ეტლით გადაადაგილდებოდა:
“ბოლო ოპერაციის შემდეგ 2 თვე გავატარე ეტლში, შემდეგ ვისწავლე თავიდან სიარული და ათთვიანი რეაბილიტაციის შემდეგ, დავუბრუნდი თხილამურებს,”- იხსენებს ლუკა ჩოფიკაშვილი.
24 წლის ლუკა გამოცდილი მოთხილამურეა, საქართველოს მრავალგზის ჩემპიონი, სხავადსხვა საერთაშორისო ტურნირების მონაწილე.
ლუკას ახალი ცხოვრება გამარჯვებით დაიწყო:
“წლევანდელი წელი დავიწყე მარტივად. დავიწყე სამთო გამყოლთა სკოლაში სწავლა და ვმუშაობდი გიდად. 14 მარტს გუდაურში ჩატარდა freeride world tour qualifier სადაც ამდენი ხნისნ შემდეგ, პირველად გამოვედი ჩემპიონატზე და გავიმარჯვე.”
ლუკას ახალი მიზნების მიღწევაში ლიბერთი ბანკი დაეხმარება და სირთულეების დაძლევის შემდეგ, ახალი წარმატებით, გამარჯვებით, თავიდან მიღებული შესაძლებლობით მთელ სამყაროს უჩვენებს, რომ ვერაფერი შეგაჩერებს, როცა შრომობ და იბრძვი, უჩვენებს, რომ მხარდაჭერას დიდი ძალა აქვს და გამარჯვებული ლუკა თავად იქცევა ადამიანების მხარდამჭერად და მოტივაციის ძალად.
