მოსკოვის ლოკომოტივის ყოფილმა მწვრთნელმა, იური სიომინმა ხვიჩა კვარაცხელიას შესახებ ისაუბრა. ვეტერანმა თავკაცმა აღნიშნა, რომ ქართველ ვინგერს აქვს ოქროს ბურთის მოგების კარგი შანსი, რადგან მან თავის კონკურენტებზე მეტი ტიტული მოიგო.
"კვარაცხელიას აქვს ოქროს ბურთის მოგების კარგი შანსი, რადგან მასზე მეტი ტიტული განვლილ სეზონში არავის მოუგია. არ უნდა დაგვავიწყდეს, საფრანგეთის ჩემპიონატის გარდა, ხვიჩამ იტალიის პირველობაც მოიგო. ამის გარდა, საფრანგეთის თასი და რა თქმა უნდა, ჩემპიონთა ლიგაც.
რაც შეეხება ინტერთან მატჩს, ალბათ დამეთანხმებით, რომ დემბელესთან ერთად, პარის სენ-ჟერმენის მხრიდან საუკეთესო ფეხბურთელი ქართველი ვინგერიც იყო. ყოველგვარი მორიდების გარეშე ვამბობ, ის ოქროს ბურთის მოგებას ნამდვილად იმსახურებს. "
