ლეგენდარულმა იტალიელმა მწვრთნელმა ფაბიო კაპელომ სერია A-ს მიმდინარე სეზონის ფავორიტებზე საინტერესო კომენტარი გააკეთა:
"მთავარი ფავორიტი ამ სეზონშიც ნაპოლია. "პარტენოპეის" არსებული შემადგენლობა საკმაოდ ძლიერია.
რომელი გუნდი შეეცდება კონკურენცია გაუწიოს ანტონიო კონტეს გუნდს? ამაზე მარტივი პასუხი მაქვს, მილანი.
რატომ? ისინი მხოლოდ ერთ ტურნირზე თამაშობენ და ეს ძალიან დიდი უპირატესობაა. ასევე მაქს ალეგრის გუნდმა საინტერესო ფეხბურთელები დაიმატა, საიდანაც პირველ რიგში ლუკა მოდრიჩს გამოვყოფდი. დიახ, ხორვატი 40 წლისაა, მაგრამ კვირაში ერთ თამაშს აუცილებლად მაღალ დონეზე ჩაატარებს.
მეორე საუკეთესო ტრანსფერი კი ადრიენ რაბიოა, რომელსაც ალეგრი ძალიან კარგად იცნობს. შეიძლება ფრანგი ლუკა მოდრიჩზე მნიშვნელოვანი ტრანსფერიც კი იყოს."
სერია A-ს 4 ტურის შემდეგ სწორედ ანტონიო კონტეს გუნდი ლიდერობს — ნაპოლის 12 ქულა აქვს, ხოლო რაც შეეხება მასიმილიანო ალეგრის მილანს, "როსონერის" 9 ქულა აქვს.
შეგახსენებთ, მომდევნო ტურში ერთმანეთს სწორედ მილანი და ნაპოლი დაუპირისპირდებიან. მატჩი 28 სექტემბერს, თბილისის დროით 22:45 საათზე დაიწყება.
