უეინ რუნიმ დაასახელა მწვრთნელი, ვისაც მანჩესტერ სიტიში პეპ გუარდიოლას შეცვლა შეუძლია. ვეტერანი ფეხბურთელისთვის ასეთი დამრიგებელი ვენსანტ კომპანი არის. ინგლისელი ექს-ფორვარდი თვლის, რომ სწორედ ესპანელი სპეციალისტი იყო ის მენეჯერი, რომელმაც ბელგიელ თავკაცს თავისი საქმე ასწავლა.
"იმედი მაქვს, რომ გუარდიოლა მან სიტიში დარჩება. ის არის მსოფლიოს ერთ-ერთი საუკეთესო მწვრთნელი, ასეთები კი პრემიერ ლიგას ნამდვილად სჭირდებიან. რაც შეეხება პეპის შემცვლელს, ჩემი აზრით, აღნიშნულ მისიას წარმატებით კომპანი გაუმკლავდება. მისი მუშაობა ბაიერნში ძალიან მომწონს.
როგორც ჩანს, ესპანელმა მწვრთნელმა ვენსტანს მართლაც ბევრი რამ ასწავლა. დარწმუნებული ვარ იმაშიც, რომ წასვლის შემთხვევაში, ახალი სპეციალისტის შერჩევაში მონაწილეობას თავად მანჩესტერელთა ამჟამინდელი დამრიგებელიც მიიღებს. ყველაზე კარგად აღნიშნული კლუბი სწორედ ხოსეპმა იცის."
