დღეს საქართველოს ეროვნულმა საფეხბურთო ნაკრებმა 2026 წლის მსოფლიოს ჩემპიონატის საკვალიფიკაციო ეტაპია მეორე მატჩი გამართა. ჩვენმა გუნდმა “დინამო არენაზე” ბულგარეთს უმასპინძლა და 3-0 დაამარცხა.
მატჩის შესახებ, საქართველოს ნაკრების ფეხბურთელმა, გიორგი ქოჩორაშვილმა ისაუბრა:
“პირველ რიგში ვულოცავ საქართველოს კალათბურთელთა ნაკრებს ევრობასკეტზე ისტორიული შედეგის დაფიქსირებას. მეოთხედფინალში ფინეთთანაც იმედია, გავიმარჯვებთ.
რაც შეეხება დღევანდელ მატჩს, მთავარია ჩვენც გავიმარჯვეთ, თურქეთთან წაგებული მატჩის შემდეგ ეს გამარჯვება მნიშვნელოვანი იყო. ახლა დავბრუნდებით გუნდებში, მნიშვნელოვანია იქ კარგად ვითამაშოთ და შემდეგ უკვე კარგ ფორმაში შეუერთდეთ ნაკრებს ესპანეთთან მატჩისთვის."
საქართველოს ნაკრები მორიგი მატჩი 11 ოქტომბერს, სტუმრად ესპანეთთან ელის.
