გამორჩეული მატჩები ჩაატარეს ნეაპოლელთა ლიდერებმა: ვიქტორ ოსიმენმა და ხვიჩა კვარაცხელიამ. ოსიმენმა ჰეთ-თრიკი შეასრულა, კვარაცხელიამ კი დუბლი გაიფორმა და საგოლე გადაცემა გააკეთა.
მატჩის შემდეგ, ნაპოლის მთავარმა მწვრთნელმა ფრანჩესკო კალცონამ ამ ორ ფეხბურთელზე ისაუბრა.
"კვარაცხელია და ოსიმენი უდიდესი ფეხბურთელები არიან. გიჟი გგონივართ, წარმატების მიღწევა მათ გარეშე მოვინდომო?! - ისინი გუნდის განუყოფელი მოთამაშეები არიან, მაგრამ გასაკვირი არაა, რომ ხანდახან ვცვლი ხოლმე.
ოსიმენი აფრიკის თასიდან დაგვიბრუნდა და მისთვის ეს გოლები საჭირო იყო. კვარაცხელიამ კი დღეს დაგვანახა, თუ რა დონის ფეხბურთელთან გვაქვს საქმე", - განაცხადა კალცონამ.
