იტალიის ჩემპიონატში გამართული მატჩი ტურინის იუვენტუსსა და უდინეზეს შორის, ტურინელთა გამარჯვებით 3:1 დასრულდა.
სამწუხაროდ, უდინეზეს ამ მარცხში თავისი წვლილი საბა გოგლიჩიძემ შეიტანა, რომელმაც ორი პენალტი აიკიდა. გოგლიჩიძემ ყველაზე დაბალი შეფასება მიიღო.
მატჩის შემდეგ, ქართველი მცველი უდინეზეს მთავარმა მწვრთნელმა კოსტა რუნიაჩმა დაიცვა.
"ვფიქრობ, პირველი პენალტის დროს, გოგლიჩიძეს ვლაჰოვიჩი იჭერდა და სხვა გადაწყვეტილების მიღება უფრო სწორი იქნებოდა, თუმცა VAR-მა ყველაფერი ნახა და გასაგებია.
რომ არა ორი პენალტი, შესაძლოა თამაში არ წაგვეგო. პირველი ტაიმი კარგად ვითამაშეთ, მაგრამ გაშვებული პენალტების შემდეგ, სიტუაცია გართულდა", - განაცხადა უდინეზეს თავკაცმა.
