ლიგა 1-ის მე-12 ტურში პარის სენ-ჟერმენი ესტუმრა ოლიმპიკ ლიონს, რომელიც ანგარიშით 3:2 დაამარცხა. სტუმრების შემადგენლობაში საუკეთესო იყო ხვიჩა კვარაცხელია, რომელმაც საფრანგეთის ჩემპიონატის მიმდინარე სეზონში სადებიუტო ბურთი შეაგდო. ამის გარდა, ქართველმა ვინგერმა მიიღო უმაღლესი შეფასება, 8.5.
პსჟ-ს გარემარბმა მოედანზე გაატარა 74 წუთი, რის შემდეგაც მის ნაცვლად შემოვიდა გონსალო რამოში. ლიგა 1-ის მოქმედი ჩემპიონი აგროვებს 27 ქულას და პირველ პოზიციაზე რჩება.
ლიონი 2:3 პსჟ
გოლები: 0:1 უორენ ზაირ-ემერი 26', 1:1 აფონსო მორეირა 30', 1:2 ხვიჩა კვარაცხელია 33', 2:2 ეინსლი მეიტლენდ-ნაილსი 50', 2:3 ჟოაო ნევეში 95'.
