ეროვნული ლიგის 2025 წლის სეზონი დასრულდა. გორის დილამ მეორე ადგილი დაიკავა, სამაგიეროდ, საქართველოს თასის გამარჯვებული გახდა.
მთელი სეზონის განმავლობაში, გუნდის ერთ-ერთი გამორჩეული ფიგურა 19 წლის განელი ნახევარმცველი იაკუბ ედუძი იყო, რომელიც სტაბილურად კარგად თამაშობდა.
ამ სეზონში ედუძიმ გორელთა მაისურით 29 შეხვედრა ჩაატარა, 3 გოლი გაიტანა და 6 საგოლე გადაცემა გააკეთა. ახალი წლიდან კი ახალ გუნდს შეუერთდება.
უკვე გადაწყვეტილია, რომ 2026 წლიდან ედუძი კარიერას დანიურ რანდერსში გააგრძელებს. რანდერსს 19 ქულა აქვს და სატურნირო ცხრილში მე-9 ადგილზეა.
ქართველი გულშემატკივრისთვის ეს კლუბი კარგად ნაცნობია. წლების განმავლობაში რანდერსის მაისურით წარმატებულ მატჩებს საბა ლობჟანიძე ატარებდა.
