მანჩესტერ სიტის მთავარმა მწვრთნელმა, ხოსეპ გუარდიოლამ დაადასტურა, რომ ედერსონ მორაესი და შტეფან ორტეგა გუნდში რჩებიან. შეგახსენებთ, რომ ბრაზილიელი კარის დარაჯის სახელს უკავშირებდნენ საუდის არაბეთის კლუბებს, რის შედეგადაც გაჩნდა ინფორმაცია გიორგი მამარდაშვილის "ქალაქელებში" შესაძლო გადასვლის შესახებ.
"მშვიდად ვარ, რადგან დარწმუნებით შემიძლია ვთქვა, რომ ედერსონი და ორტეგა სიტის არ დატოვებენ. ამ გუნდში დიდი ხანია ვმუშაობ და მინდა ვთქვა, ვერ მივაღწევდით ამ ყველაფერს მორაესის გარეშე. ის არის სტაბილური და საოცრად ქარიზმატული კარის დარაჯი. რთულია მისი შემცვლელის პოვნა, წარმოუდგენელიც კი.
მანჩესტერული გუნდი სპეციფიკურ ფეხბურთს თამაშობს და შესაბამისად, მეკარეც სპეციფიკური უნდა გვყავდეს. მიხარია, რომ ბრაზილიელი კიპერი რჩება. იუნაიტედთან მატჩში ის ძირითადში იქნება", - განაცხადა ესპანელმა ტაქტიკოსმა.
