საქართველოს და ირლანდიის ნაკრებების დაპირისპირები წინ, ბორჯღალოსნების კაპიტანმა, ბექა საღინაძემ კომენტარი გააკეთა და მატჩის მნიშვნელიბაზე ისაუბრა.
"თბილისში მსოფლიოს მესამე საუკეთესო ნაკრები ჩამოდის და ამ დღეს ქართველი გულშემატკივარი დიდი ხანი ელოდა. ჩვენთვის დიდი პატივია ირლანდიის ნაკრებთან საკუთარ კედლებში თამაში და მოედანზე მხოლოდ მოსაგებად გავალთ. ჩვენი მთავარი მიზანი ტიერ 1-ის დონის გუნდებთან რეგულარული თამაშია და ირლანდიის დამარცხება ამ გზისკენ გადადგმული უდიდესი ნაბიჯი იქნება. მეტოქე მსოფლიოში ერთ-ერთი საუკეთესოა, თუმცა, ჩვენი უპირატესობა ფიზიკურ ძალაში იქნება, განსაკუთრებით კი შერკინებაში და მოლში. უკვე 8 წელია რაც ბორჯღალოსნების წევრი ვარ და გეტყვით, რომ გულშემატკივრებით სავსე სტადიონს უდიდესი მნიშვნელობა აქვს, ამიტომ გელოდებით ხვალ სტადიონზე. "
საქართველოს და ირლანდიის მორაგბეთა ეროვნული ნაკრებების დაპირისპირება ხვალ, 5 ივლისს, მიხეილ მესხის სახელობის სტადიონზე გაიმართება და სტარტს 21 საათზე აიღებს.
ფოტო: ლევან ვერძეული
