"ვიცი, რომ ალვარესს მეტი სათამაშო დროის მიღება სურს, თუმცა იგივე სურვილი სიტის სხვა ფეხბურთელებსაც აქვთ. ჩემს განკარგულებაში არის 18-19 ისეთი მოთამაშე, რომელსაც ძირითადში თამაშის პრეტენზია აქვს. ხულიანი მანჩესტერული გუნდის მნიშვნელოვანი ფეხბურთელია, მისი ამბიციები კი ჩემთვის მისაღებია", - განაცხადა ესპანელმა ტაქტიკოსმა.
ეტიჰადელთა მწვრთნელის სიტყვებს თავად არგენტინელი თავდამსხმელი გამოეხმაურა:
"გავიგე რაც მან თქვა. ვერაფერს დავამატებ. ცუდი არაფერი მითქვამს, მხოლოდ ის, რომ მეტი სათამაშო დრო მჭირდება. სიტიში ბედნიერი ვარ, მაგრამ მოსაფიქრებლად დრო მჭირდება", - განაცხადა მანჩესტერული გუნდის ფორვარდმა.
