მატჩის წინ კომენტარები გუნდის მთავარმა მწვრთნელებმა გააკეთეს და ერთმანეთი შეაქეს. მოგეხსენებათ, გვარდიოლა და არტეტა ერთად წლების განმავლობაში სიტიში მუშაობდნენ.
"მათ ჰყავთ მწვრთნელი, რომელიც თავის გუნდს ყოველ წელს ავითარებს და მაღალ დონეზე აჰყავს. როდესაც ასეთი მწვრთნელი გყავს, ფეხბურთელებიც უფრო დიდი მოტივაციით არიან და ყველაფერს გეგმაზომიერად მიყვებიან. სანაკრებო პაუზამდე კარგ ფორმაში ვიყავით, პაუზის შემდეგ კი პირველივე თამაში ურთულესი გვაქვს და ვნახავთ, რა კონდიციაში ვართ", - ამბობს გვარდიოლა.
"გვარდიოლა მსოფლიოში საუკეთესო მწვრთნელია და საოცარი ადამიანი. ერთ-ერთი საუკეთესო ადამიანია, ვისაც ოდესმე შევხვედრილვარ და ვისთანაც ოდესმე მიმუშავია, თუმცა ახლა ერთმანეთის კონკურენტები ვართ. მისდამი დამოკიდებულება არ იცვლება, თუმცა ამ შემთხვევაში, პროფესიულად სხვანაირად უნდა მოიქცე", - განაცხადა არტეტამ.
