ჩაბი ალონსო - კარიერის მიწურულს, როდესაც ის თამაშობდა მიუნხენის ბაიერნში, მთავარი მწვრთნელი სწორედ გვარდიოლა იყო. ალონსომ მისი ხელმძღვანელობით 79 მატჩი ჩაატარა. ჩაბიმ მოიგო ბუნდესლიგის 2 ტიტული, ასევე გერმანიის თასი და გერმანიის სუპერთასი. მის სამწვრთნელო საქმიანობაში პეპის ხელწერა აშკარად იკითხება.
მიკელ არტეტა - 2016-2019 წლებში გვარდიოლას თანაშემწე მანჩესტერ სიტიში სწორედ არტეტა იყო, რის შემდეგაც ის დამოუკიდებელი გზით წავიდა. რაც შეეხება საფეხბურთო კარიერას, მიკელი ირიცხებოდა ბარსელონას აკადემიაში, მაშინ, როდესაც პეპი იყო გუნდის კაპიტანი და ლიდერი. დღეს, ისინი პრემიერ ლიგაში კონკურენტები არიან.
ენცო მარესკა - გვარდიოლას კიდევ ერთი თანაშემწე, რომელიც მასთან ერთად სიტიში 2020-2021 და 2022-2023 წლებში მუშაობდა. დამოუკიდებელი გზით წასვლის შემდეგ, მარესკამ ჩემპიონშიფიდან ამოიყვანა ლესტერი, ცოტა ხნის წინ კი ის ლონდონის ჩელსის დამრიგებლად დაინიშნა. ვნახოთ, როგორ მოერგება ენცო პრობლემურ "არისტოკრატებს".
ვენსან კომპანი - გვარდიოლას სიტის ყოფილი შეგირდი და კაპიტანი, რომელიც მასთან ერთად 2016-2019 წლებში მუშაობდა. კომპანიმ მისი ხელმძღვანელობით ჩაატარა 62 მატჩი, 2-ჯერ მოიგო პრემიერ ლიგა, ასოციაციის თასი, 2 ლიგის თასი და და სუპერთასი. ცნობისთვის, ბაიერნს ვენსანის დანიშნვა სწორედ პეპმა ურჩია.
