ბუნდესლიგის გასულ ტურში ჰარი კეინმა მიუნხენის ბაიერნის მაისურით გაიტანა მორიგი გოლი, ჯამში 133-ე თავის გერმანულ კარიერაში. ინგლისელ ფორვარდს საამისოდ დასჭირდა სულ რაღაც 136 შეხვედრა და საინტერესოა, რომ ის "რეკორდმაისტერის" ყველა დროის საუკეთესო გოლეადორთა 10-ეულში უკვე შევიდა.
ალიანც არენას ბინადრების თავდამსხმელმა ეს ყველაფერი არასრულ სამ წელიწადში გააკეთა. არაა გამორიცხული ისიც, რომ ამ სეზონის დასრულებამდე, 32 წლის ფორვარდმა კიდევ უფრო წინ წაიწიოს. მაგალითად, მე-9 პოზიციაზე მყოფი ჯოვანი ელბერი მას სულ რაღაც 6 ბურთით უსწრებს.
შემდეგი ათეულში არის არიენ რობენი, ვინც ბაიერნი დატოვა 144 გოლით, რაც ინგლისის ნაკრების ცხრიანთან 11-გოლიან უპირატესობას იძლევა. რაც შეეხება მიუნხენელთა ყველა დროის საუკეთესო გოლეადორთა 3-ეულს: გერდ მიულერი (570 ბურთი), რობერტ ლევანდოვსკი (344 ბურთი) და ტომას მიულერი (250 ბურთი).
