ჩემპიონთა ლიგის ოფიციალურმა გვერდმა რობერტ პირესისთვის მოაწყო ჩელენჯი - იდეალური გარემარბის შედგენა. ვეტერან ფეხბურთელს უნდა აერჩია რამდენიმე კრიტერიუმი ლამინ იამალის, მაიკლ ოლისესა და დეზირე დუეს თვისებებისგან. ფრანგ ექს-ვინგერს გაუჭირდა პასუხების გაცემა, მაგრამ საბოლოოდ თავისი ვერსია მან მაინც გააჟღერა.
ესპანელი შემტევისგან ლონდონის არსენალის ყოფილმა გარემარბმა აიღო დრიბლინგი და პოტენციალი, მიუნხენის ბაიერნის ფლანგელისგან - დარტყმა და მენტალიტეტი, პარის სენ-ჟერმენის ვინგერი კი მან პასის კრიტერიუმით გამოარჩია.
