სატრანსფერო ფანჯრის დახურვის მიუხედავად, საქართველოს მოქმედმა ჩემპიონმა იბერიამ მორიგი საინტერესო ტრანსფერი განახორციელა და თავისუფალი აგენტის სტატუსის მქონე ფეხბურთელი დაიმატა.
LaGazzetta.ge-ს ექსკლუზიური ინფორმაციით, საქართველოს ნაკრების ფეხბურთელი სანდრო ალთუნაშვილი კარიერიას იბერიაში გააგრძელებს და ამ გუნდში მინიმუმ სეზონის ბოლომდე დარჩება.
მოგეხსენებათ, ალთუნაშვილი ავსტრიულ ვოლსფერგერში თამაშობდა და წარმატებული სეზონიც ჩაატარა. მისი გუნდი ახლოს იყო ავსტრიის ჩემპიონობასთან. ქართველმა ნახევარმცველმა გუნდი ზაფხულში დატოვა და თავისუფალი აგენტი იყო.
რაც შეეხება იბერიას, 23 ტურის შემდეგ, გია გეგუჩაძის გუნდს 52 ქულა აქვს და სატურნირო ცხრილის ლიდერია. ალთუნაშვილს გეგუჩაძესთან თამაშის გამოცდილება უკვე აქვს, ისინი ერთად დინამო ბათუმში გამოდიოდნენ.
