ტურინის იუვენტუსის მთავარმა მწვრთნელმა, ლუჩანო სპალეტიმ ისაუბრა თავისი გუნდის ახალგაზრდა ვარსკვლავზე - ქენან ილდიზე. იტალიელმა სპეციალისტმა თურქ ვინგერზე საუბარში პარალელი გაავლო ხვიჩა კვარაცხელიასთან, რომელთანაც ის ნეაპოლში მუშაობდა.
"ილდიზს აქვს უდიდესი პოტენციალი და მას კიდევ უფრო მეტის მიღწევა შეუძლია, იმასთან შედარებით, რასაც მან ახლა მიაღწია. ეს არ ნიშნავს იმას, რომ ქენანი არ იხარჯება ახლა, ჟურნალისტებმა ჩემი სიტყვები არასწორად გაიგეს. ახალგაზრდა ვინგერის პროგრესით კმაყოფილი ვარ.
იგივეს ვამბობდი კვარაცხელიასთან მიმართებაშიც, როდესაც ნაპოლიში მისი მწვრთნელი ვიყავი. მასსა და თურქ გარემარბს შორის მსგავსებას მართლაც ვხედავ. იუვეს ვინგერს მართლაც შეუძლია გახდეს ტოპ მოთამაშე, მთავარია პროგრესი არ შეწყვიტოს.
"
