განახლებულ რეიტინგში ორ წონით კატეგორიას ქართველი ძიუდოისტები ლიდერობენ — 81 კგ.-ში ტატო გრიგალაშვილი, ხოლო 90 კგ.-ში ლაშა ბექაური.
ოლიმპიადამდე, ტატო გრიგალაშვილი მეორე ადგილზე იყო და მოპოვებული ვერცხლის მედლით ლიდერობა დაიბრუნა. ლაშა ბექაურმა კი ოქროს მედლით პირველი ადგილი გაიმყარა.
პარიზის ოლიმპიურ თამაშებზე დაკავებული მე-5 ადგილის შემდეგ, ერთი პოზიციით წინ წაიწია ეთერ ლიპარტელიანმა და 57 კგ. წონით კატეგორიის განახლებულ რეიტინგში მე-7 ადგილს იკავებს.
IJF-ის ქალთა და მამაკაცთა გაერთიანებულ რეიტინგს კი 10,690 სარეიტინგო ქულით კანადელი კრისტა დეგუჩი ლიდერობს, რომელმაც 2024 წლის პარიზის ოლიმპიური თამაშები ტრიუმფით დაასრულა.
ფოტო: IJF
