რონალდო ნაზარიომ შეაფასა ბრაზილიის ნაკრების შანსები 2026 წლის მსოფლიო ჩემპიონატზე. შეგახსენებთ, რომ რამდენიმე თვის წინ, "სელესაო" ჩაიბარა კარლო ანჩელოტიმ, რითაც ეროვნულ გუნდში ახალი ციკლი დაიწყო. აქვე დავამატებთ, ამ ქვეყნის ნაკრებს მუნდიალი 2002 წლის შემდეგ არ მოუგია.
"ბრაზილიის ნაკრებს შეუძლია წარმატების მიღწევა იმ შემადგენლობით, რომელიც ახლა ჰყავს. ნეიმარს ჯერ კიდევ აქვს შესაძკებლობა იყოს "სელესაოსთვის" მნიშვნელოვანი მოთამაშე. ეს სურს როგორც თავად ბრაზილიელ ფორვარდს, ისე ანჩელოტის და მთელ ჩვენს ქვეყანას.
კარლო არის ბრწყინვალე მწვრთნელი, რომელსაც გუნდში ჰარმონია და მოტივაცია შემოაქვს. ამის გარდა, ის არის შესანიშნავი ტაქტიკოსი, რომელმაც იცის, თუ რას ნიშნავს მოგება. არსებობს ყველა წინაპირობა იმისთვის, რომ "პენტაკამპეონემ" დიდ მწვერვალს მიაღწიოს."
