პარის სენ-ჟერმენისა და ბერგამოს ატალანტას მატჩის საუკეთესო ფეხბურთელად ხვიჩა კვარაცხელია დასახელდა. ახალგაზრდა გარემარბმა "ლა დეას" შეუგდო გოლი და ამის გარდა, ის არაერთი სასარგებლო ქმედებითაც გამოირჩა. უეფას ოფიციალურმა ვებგვერდმა ქართველი ვინგერის თამაში შეაფასა ასე:
"კვარაცხელიამ ჩაატარა ბრწყინვალე მატჩი. ის საუკეთესო იყო ორთაბრძოლებში და ამის გარდა, მან ინდივიდუალური ოსტატობით ულამაზესი ბურთი გაიტანა. ხვიჩამ შექმნა არაერთი მომენტი და ის მუდმივად წარმოადგენდა საფრთხეს მეტოქისთვის."
ეს არ არის პირველი შემთხვევა, როდესაც ქართველი გარემარბი ხდება ჩემპიონთა ლიგის მატჩის საუკეთესო ფეხბურთელი. მას აღნიშნული ჯილდო აუღია აიაქსთან, ასტონ ვილასა და უნიონ ბერლინთან შეხვედრების შემდეგაც. დღეს, პსჟ-ს ვინგერი სტადიო ატლეტი აძურის ბინადრების წინააღმდეგაც საუკეთესო იყო.
