ლონდონის ჩელსის ყოფილმა გარემარბმა, ედენ აზარმა თავისი საფეხბურთო კარიერა გაიხსენა. ბელგიელმა ექს-ვინგერმა აღნიშნა, რომ ინდივიდუალური თვალსაზრისით, მას მხოლოდ ლეო მესი აღემატებოდა. როდესაც საუბარი მივიდა კრიშტიანუ რონალდუმდე, პორტუგალიელი მან მხოლოდ ტიტულებით დააყენა საკუთარ თავზე წინ.
"ინდივიდუალური თვალსაზრისით, ჩემზე წინ მხოლოდ მესია. როდესაც ის იყო ბარსელონაში, მისი თამაშით ვტკბებოდი, მოგვიანებით უფრო ნაკლებად. ამის მიუხედავად, ლეო ისტორიაში საუკეთესოა. რაც შეეხება რონალდუს, საკუთარ თავზე წინ მას დავაყენებ მხოლოდ ტიტულების თვალსაზრისით, საფეხბურთო ოსტატობით კი ჩემზე უკეთესი არაფრით არის.
შემიძლია კიდევ ნეიმარის გამოყოფაც. ვერ ვიტყვი, რომ ფეხბურთში ბევრი მჯობნის, თუმცა რეალში მართლაც საუკეთესოები თამაშობენ. მოდრიჩი, ბენზემა, კროოსი და კიდევ დე ბრუინი, დიახ, ისინი ჩემზე მაღლა დგანან", - განაცხადა "არისტოკრატების" ექს-შემტევმა, რომელმაც გასულ წელს საფეხბურთო კარიერა დაასრულა.
