ევროპა ლიგის მიმდინარე სეზონის 1/2 ფინალური ეტაპის პირველი მატჩები გაიმართა, სადაც ინგლისურმა კლუბებმა ფინალისკენ უდიდესი ნაბიჯი გადადგეს.
მანჩესტერ იუნაიტედი ბილბაოს ატლეტიკს ესტუმრა და მეტოქე 3-0 დაამარცხა. აღნიშნულ მატჩში დუბლი ბრუნო ფერნანდეშმა გაიფორმა, ხოლო ერთი გოლი კაზემიროს ანგარიშზეა.
დიდი ანგარიშით მოიგო ტოტენჰემმა, რომელმაც საკუთარ კედლებში ნორვეგიულ ბოლო/გლიმტს უმასპინძლა და მეტოქეს 3-1 აჯობა. მასპინძლებიდან გოლები ბრენან ჯონსონმა, ჯეიმს მედისონმა და დომინიკ სოლანკემ გაიტანეს, ხოლო სტუმრებიდან თავი ულრიკ სალტნესმა გამოიჩინა.
კონფერენს ლიგაზე ფაქტობრივად გაინაღდა ფინალის საგზური ტურნირის მთავარმა ფავორიტმა ლონდონის ჩელსიმ, რომელმაც დიურგორდენი გასვლაზე 4-1 დაამარცხა და განმეორებითი მატჩი წინ უდიდესი უპირატესობა მოიპოვა.
არისტოკრატების მხრიდან დუბლი ნიკოლას ჯექსონმა გაიფორმა, ხოლო თითო გოლი ჯეიდონ სანჩომ და ჩუკვუნონსო მადუეკემ გაიტანეს. მასპინძლებიდან კი პრესტიჟის გოლის ავტორიისაკ მულუგეტაა.
ყველაფერი განმეორებით მატჩში გადაწყდება მეორე წყვილში, სადაც ბეტისმა სახლში ფიორენტინა მინიმალური ანგარიშით, 2-1 დაამარცხა —აბდე ეზალზულის და ანტონის გოლებს, სტუმრებმა ლუკა რანიერის გოლით უპასუხეს.
ევროპა და კონფერენს ლიგის 1/2 ფინალური ეტაპის განმეორებითი მატჩები ზუსტასდ ერთი კვირის შემდეგ, 8 მაისს გაიმართება.
