ჩემპიონთა ლიგის ფინალში განცდილი მძიმე მარცხის შემდეგ, ინტერში დიდი ცვლილებები დაანონსდა. პირველ რიგში მწვრთნელის საკითხი უნდა გაირკვეს და როგორც იტალიურ მედიაში იწერება, კლუბის ხელმძღვანელობა სიმონე ინძაგის უახლოეს საათებში შეხვდება, სადაც იტალიელი სპეციალისტის მომავალი გაირკვევა. შეგახსენებთ, ალ ჰილალის შეთავაზება სიმონე ინძაგის მაგიდაზე უდევს და ბევრი გამოცემის ინფორმაციით, 49 წლის მწვრთნელი ინტერის დატოვებას სერიოზულად განიხილავს.
ამასობაში, ინტერში სიმონე ინძაგის პოტენციურ შემცვლელს უკვე ეძებენ. როგორც ცნობილი ხდება, ბეპე მაროტას 4 კანდიდატურა ჰყავს შერჩეული. მთავარი სამიზნე სესკ ფაბრეგასია, რომელიც კომოს მთავარი მწვრთნელია. სიაში არიან კრისტიან კივუ, რობერტო დე ძერბი და პატრიკ ვიერიაც. ინტერი ამ მწვრთნელებთან მოლაპარაკებებს ჯერ არ აწარმოებს, თუმცა თუ სიმონე ინძაგიმ კლუბის დატოვება გადაწყვიტა, უფროსობა ზემოხსენებულ მწვრთნელებთან მოლაპარაკებებს დაიწყებს.
სიმონე ინძაგის საკითხი უახლოეს 24-48 საათში გადაწყდება. იტალიელ სპეციალისტსა და კლუბის უფროსობას შორის შეხვედრა 3 ივნისს, ქალაქ მილანშია დაგეგმილი.
