ჩემპიონთა ლიგაზე ნახევარფინალში გასვლის შემდეგ, ბარსელონას მთავარმა მწვრთნელმა მედიასთან ისაუბრა:
"სიგნალ იდუნა პარკზე წარმოუდგენელი ატმოსფერო დაგვხვდა. რა თქმა უნდა ეს ჩვენი საუკეთესო პერფორმანსი არ ყოფილა, მაგრამ მიზანს მივაღწიეთ და ნახევარფინალში ვითამაშებთ. ჩემპიონთა ლიგა მსოფლიოში საუკეთესო ტურნირია, ნახევარფინალში გასვლა კი კლუბისთვის შესანიშნავი მიღწევაა. დორტმუნდი ძალიან დიდ პატივისცემას იმსახურებს, მათ საოცრად კარგად ითამაშეს. მომდევნო მეტოქე? უპირატესობას ვერც ერთს მივანიჭებ, ინტერი-ბაიერნის მატჩს სახლში ვუყურებ და შოუსგან სიამოვნებას მივიღებ."
შეგახსენებთ, ბარსელონას მომდევნო მეტოქე ქალაქ მილანში გაირკვევა, სადაც ერთმანეთს ინტერი და ბაიერნი დაუპირისპირდებიან. მატჩი დღეს, თბილისის დროით 23:00 საათზე დაიწყება.
