ანტონიო კონტემ სერია ა-ში არსებული სასკუდეტო ბრძოლა შეაფასა. შეგახსენებთ, რომ სეზონის დასრულებამდე ერთი ტურით ადრე, პირველ პოზიციაზე არის ნაპოლი, რომელიც მილანის ინტერს 1 ქულით უსწრებს. იტალიის ჩემპიონატის ლიდერის მეტოქე კალიარი იქნება.
"ძალიან გადატვირთული სეზონი გვქონდა და კალიარისთან მატჩში გამარჯვება ამ ყველაფრის კარგი დასასრული იქნება. ვგრძნობთ იმ პასუხისმგებლობას, რომელიც ნაპოლის ქომაგების წინაშე გვაკისრია. რომელი კლუბი მოიგებს სკუდეტოს? ის, რომელიც ჩემპიონობას უფრო მეტად დაიმსახურებს.
შეუძლებელია გამარჯვების მოპოვება ყველა მატჩში, თუმცა როდესაც ახერხებ მიზნის მიღწევას, ეს ძალიან სასიამოვნოა. არ ვარ ის სპეციალისტი, რომელიც გარანტირებულად მოიგებს ყველა შეხვედრას, მაგრამ ცხადია, ჩემი მიზანი გუნდის შედეგების გაუმჯობესებაა."
