სერია ა-ს 27-ე ტურში მილანის ინტერმა საკუთარ კედლებში ჯენოა ანგარიშით 2:0 დაამარცხა. მასპინძლების მხრიდან მეტოქის კარი ფედერიკო დიმარკომ და ჰაკან ჩალჰანოღლუმ აიღეს. "ნერაძური" ამ მოგებით აგროვებს 67 ქულას და იტალიის ჩემპიონატში ლიდერობას იმყარებს.
სხვაობა უახლოეს კონკურენტთან, თანაქალაქელ მილანთან ამ დროისთვის 13 ქულას შეადგენს. აქვე დავამატებთ, რომ კრისტიან კივუს გუნდის შემდეგი მოწინააღმდეგე იტალიის ჩემპიონატში სწორედ "როსონერი" იქნება. იქამდე, ჯუზეპე მეაცას ბინადრებს ელით სათასო შეხვედრა კომოსთან.
ინტერი 2:0 ჯენოა
გოლები: 1:0 ფედერიკო დიმარკო 31', 2:0 ჰაკან ჩალჰანოღლუ 70'.
