სერია ა-ს მე-18 ტურში მილანის ინტერმა საკუთარ კედლებში მიიღო ბოლონია, რომელიც ანგარიშით 3:1 დაამარცხა. მასპინძლების მხრიდან "როსობლუს" კარი აიღეს ლაუტარო მარტინესმა, მარკუს ტურამმა და პიოტრ ჟელინსკიმ. სტუმრების მხრიდან კი ერთი ბურთი შეხვედრის მიწურულს სანტიაგო კასტრომ შეაგდო.
"ნერაძური" ამ გამარჯვებით აგროვებს 39 ქულას და პირველ ადგილს იბრუნებს. სერია ა-ს ლიდერის უახლოესი მდევარი არის მილანი, რომელიც კრისტიან კივუს გუნდს 1 ქულით ჩამორჩება. აქვე დავამატებთ იმასაც, რომ მადონინაში წაგების შემდეგ, იტალიის ჩემპიონატში მეაცას ბინადრებმა ზედიზედ მე-5 შეხვედრა მოიგეს.
ინტერი 3:1 ბოლონია
გოლები: 1:0 პიოტრ ჟელინსკი 39', 2:0 ლაუტარო მარტინესი 48', 3:0 მარკუს ტურამი 74', 3:1 სანტიაგო კასტრო 83'.
