პორტოს თავდამსხმელი, მეჰდი ტარემი ზაფხულის სატრანსფერო ფანჯრის პერიოდში მილანის ინტერში გადავა. ფაბრიციო რომანომ უკვე დაადასტურა, რომ "ნერაძურისა" და ირანელს შორის სიტყვიერი შეთანხმება უკვე არსებობს. "დრაკონების" ფორვარდი "გველებს" შეუერთდება უფასოდ, თავისუფალი აგენტის სტატუსით.
რაც შეეხება კონტრაქტის დეტალებს, "თეთრ-ლურჯების" ცხრიანი ჯუზეპე მეაცაზე გაატარებს ორ წელს, ხელშეკრულების კიდევ ერთი სეზონით გახანგრძლივების პერსპექტივით. 31-წლის ფორვარდი მოიაზრება ალექსის სანჩესის შემცვლელად, რომელიც ზაფხულში სიმონე ინძაგის გუნდს დიდი ალბათობით დატოვებს.
ტარემი დრაგაუზე თამაშობს 2020 წლიდან და ამ დროის განმავლობაში მან მოასწრო 171 შეხვედრის ჩატარება და 86 გოლის გატანა. შეგახსენებთ, რომ მეჰდისთან ზეპირ შეთანხმებამდე, ინტერმა ზაფხულისთვის დაიბევა კიდევ ერთი ტრანსფერი, საუბარია ნაპოლის ცენტრალურ ნახევარმცველ, პიოტრ ზელინსკიზე.
