პორტუგალიის ეროვნული ნაკრებისა და მილანის ათიანმა რაფა ლეაომ Say Less-თან ინტერვიუში "როსონერიში" ტრანსფერის დეტალები გაიხსენა.
"სიმართლე ისაა, რომ მილანში გადასვლამდე, ინტერში გადასვლასთან ვიყავი ძალიან ახლოს. ლილის სპორტული დირექტორი ჩემთან მოვიდა და მითხრა, რომ ინტერში უნდა წავსულიყავი, რაზეც უარი ვთქვი. ლილში დარჩენა მინდოდა, რადგან ვფიქრობდი, რომ განვითარება კიდევ შემეძლო საფრანგეთში, თუმცა, ამის მიუხედავად, კლუბს ჩემი ინტერში გაყიდვა გადაწყვეტილი ჰქონდა.
შემდეგ საქმეში მილანი ჩაერთო, ჩემი პოზიცია კი მალევე შეიცვალა - კლუბს განვუცხადე, რომ თუ "როსონერი" შეთავაზებას გააკეთებს, ტრანსფერს დავთანხმდებოდი.
ორი დღის შემდეგ კი პაოლო მალდინიმ დამირეკა, თანაც ფეისთაიმით. მან ეს სიტყვები მითხრა: "მილანში უნდა წამოხვიდე, მზად ხარ ხო? ჩვენ გელოდებით."
ამ ზარის შემდეგ, მილანში ტრანსფერი ძალიან მალე დაიხურა. პაოლო მალდინისთან საუბრის შემდეგ, მილანში თამაში საბოლოოდ გადავწყვიტე."
რაფა ლეაოს მილანის ღირსებას 2019 წლიდან მოყოლებული იცავს. პორტუგალიელმა ამ დროში 261 მატჩის ჩატარება მოასწრო, გაიტანა 71 გოლი და 62 საგოლე გადაცემითაც გამოიჩინა თავი. რაფა ლეაომ ამ დროში მილანთან ერთად სკუდეტოსა და იტალიის სუპერ თასის მოგება მოახერხა.
