უნგრეთის ნაკრების მთავარმა მწვრთნელმა, მარკო როსიმ ისაუბრა თავისი გუნდის კაპიტნის, დომინიკ სობოსლაის შესახებ. მისი თქმით, ლივერპულის შუახაზელის ოცნება არის მადრიდის რეალში თამაში და ის აღნიშნულ კლუბში გადასვლაზე ყოველთვის იფიქრებს.
"სობოსლაის ყოველთვის ჰქონდა ერთი ოცნება - რეალში თამაში. მასთან მაქვს ძალიან ახლო ურთიერთობა და ვიცი, რომ ის საფეხბურთო კარიერის დასაწყისიდანვე მადრიდში მოხვედრაზე ფიქრობდა. ცხადია, არ გამოვრიცხავ იმასაც, რომ დომინიკი დიდი ხნით ლივერპულში დარჩეს.
უნგრელი ნახევარმცველი არის მერსისაიდული გუნდის უმნიშვნელოვანესი ფეხბურთელი, ვისაც მარტივად არავინ შეელევა. დიახ, "სამეფო კლუბი" უდიდესი გუნდია, მაგრამ არც "წითლების" დაკნინება ღირს."
